Электричкаларда бушлай интернет барлыкка килде

Тимер юлларда хезмәт күрсәтүче «Содружество» пассажир компаниясе электричкаларда чыбыксыз Интернет кертте.

Хәзерге вакытта WI-FI белән биш состав тәэмин ителгән. Алар – Казан-Аэропорт, Казан-Кизнер һәм Кизнер-Ижау маршрутларында йөрүче электропоездлар.
Вагоннарда берьюлы ике 4G интернет провайдеры хезмәт күрсәтә: берсенең интернеты өзелсә, автомат рәвештә икенчесе кушыла. Шулай ук пассажирларны кайгыртып, тимер юлчылар «Аэропорт» станциясендә дә чыбыксыз интернет урнаштырган.
 

Чыганак: intertat.ru