Дан­лык­лы “КА­МАЗ-мас­тер” ко­ман­да­сы спорт­чы­ла­ры чи­рат­та­гы “Да­кар” ярыш­ла­ры­на әзер

Та­тар­стан Пре­зи­ден­ты Рөс­тәм Миң­не­ха­нов “Да­кар-2017” рал­ли-ма­ра­фо­ны­на старт ал­дын­нан, егет­ләр бе­лән оч­раш­ты.

Ул Тар­лов­ка­да­гы сы­нау по­ли­го­нын­да бу­лып, кү­не­гү әй­лә­нә­сен ике тап­кыр узып, ма­ши­на­лар­ның ярыш­лар­га әзер­ле­ген үзе тик­шер­де.
Рөс­тәм Нур­га­ли улы өчен ав­тос­порт ят тү­гел. Ул – фи­нанс ми­нис­т­ры бу­лып эш­лә­гән­дә шак­тый күп ярыш­лар­да кат­на­шып, җи­ңү яу­ла­ган спорт­чы. “КА­МАЗ-Мас­тер” тех­ни­ка­сын­да әй­лә­неп кил­гәч, үзе­нең тә­э­сир­лә­ре бе­лән ур­так­ла­шып: “Ма­ши­на бик тә­э­сир­ле, мон­да ба­ры­сы да уй­ла­ныл­ган. Амор­ти­за­ция ях­шы, тиз­лек, руль, мо­тор – ба­ры­сы да әй­бәт. За­ман­ча джип­лар мондый авырлыкларга чыдамас иде, ә бу тех­ни­ка­ юл­ны җиңел үтә. Ярыш­та ма­ши­на йөр­тү­че­нең ары­ма­вы мө­һим, шуңа күрә без­нең ма­ши­на­лар “Да­кар”­га җитди әзер­лән­гән. Ыша­нам, без­нең ба­ры­сы да әй­бәт бу­лыр”, – ди­де ул.
Шә­һәр ха­ки­ме На­ил Мәһ­ди­ев тә, “КА­МАЗ-Мас­тер” ко­ман­да­сы өчен җан ата­ча­гын бел­дер­де. “Ко­ман­да­ның иң туг­ры җа­на­тар­ла­ры Яр Чал­лы­да, “Зәң­гәр арам­да” яшь бу­ын өчен җи­ңү­гә ом­ты­лыш һәм ты­рыш­лык үр­нә­ге бу­лып то­ра. “КА­МАЗ-Мас­тер” – иле­без­нең ав­то­мо­биль сә­нә­га­те та­ри­хын­да ае­рым урын би­ли. Бу мил­ли бренд кы­на тү­гел, ә бе­рен­че чи­рат­та ке­ше­ләр. Һәр спорт ав­то­мо­би­ле ба­шын­нан алып ахыр­га ка­дәр про­фес­си­о­нал­лар ку­лы бе­лән эш­лә­нә. Чи­рат­та­гы рал­ли-ма­ра­фон­га озат­кан­да, без егет­ләр­нең үз хо­лык­ла­рын күр­сә­тү­лә­ре­нә һәм алар­ны ка­бат бү­ләк­ләр бе­лән кар­шы ала­ча­гы­быз­га ыша­на­быз”, – ди­де ул.
Спорт­чы­лар­ны оза­тыр­га РФ Дәү­ләт Ду­ма­сы де­пу­та­ты Әл­фия Ко­го­ги­на һәм “КА­МАЗ” ак­ци­о­нер­лык җәм­гы­я­те ге­не­раль ди­рек­то­ры Сер­гей Ко­го­гин да кил­гән иде.
Исе­гез­гә тө­ше­рә­без, “КА­МАЗ-Мас­тер” спорт­чы­ла­ры Фран­ци­я­гә ма­ши­на­ла­рын тех­ник тик­ше­рү­гә кит­те­ләр. 30 де­кабрь­дә ма­ши­на­лар Па­раг­вай­да старт уры­нын­да янә тик­ше­ре­лә­чәк, ә 2 гыйн­вар­да ко­ман­да­ны бе­рен­че җит­ди учас­ток кө­тә. Ярыш­лар 14 гыйн­вар­да Бу­э­нос-Ай­рес­та тә­мам­ла­на.
Ә “Аф­ри­ка Эко Рейс” ярыш­ла­ры 31 де­кабрь­дә Мо­на­ко­да баш­ла­на һәм 14 гыйн­вар­да Се­не­гал­да тә­мам­ла­на. Марш­рут “Да­кар”­ның ис­ке схе­ма­сы бу­ен­ча уза. Иле­без да­нын әле­ге ярыш­та Ан­дрей Кар­ги­нов һәм Сер­гей Куп­ри­я­нов эки­паж­ла­ры як­лый.