Чит ил паспорты булган һәр кеше икенче чит ил паспорты ясата ала

Илебездән чыгу һәм керү турындагы федераль законга үзгәреш кертелде. Шуннан чыгып хәзер чит ил паспорты булган илебезнең һәр кешесенә икенче чит ил паспорты ясалырга мөмкин.

Бу үзендә электрон мәгълүмат йөртүче яңа буын паспорты булачак. Шул ук вакытта ике чит ил паспортының куллану вакытлары бер-берсенә  бәйле түгел: икенче паспорт 10 елга бирелә. 2016 елда Хаҗга баручыларга Согуд Гарәбстанына чыгу Россия гражданнарына бары тик яңа буын чит ил паспортлары белән генә рөхсәт ителә.