Чистай районында ике ир-ат алкоголь белән агуланып үлгән

Чистай районында ике ир-ат агуланып үлгән. Бу хакта “Татар-информ”га хокук саклау органнарына якын чыганак хәбәр итте.
 
Чыганак мәгълүматлары буенча, ир-атлар аңнарын югалткан һәм шул килеш үлеп киткән, дип җиткергән аларның дус хатыны.
Беренчел мәгълүматлар буенча, үлем алкоголь белән агулану аркасында булган. Ә хатын-кызны Чистай үзәк хастаханәсенә шундый ук диагноз белән озатканнар. Хәзер әлеге урында оператив-тикшерү төркеме эшли.