Чирмешәндә 101 миллион сумлык яңа спорт объекты төзегәннәр

Чирмешән районы үзәгендә республика программасы буенча төзелүче универсаль спорт залында эш тәмамланган, территориясе төзекләндерелгән, дип яза “Безнең Чирмешән“ газетасы.
Фото: Гөлсирә Шәрифуллина
24кә 48 метрлы спорт залында спортның төрле төрләре - волейбол, баскетбол, футбол белән шөгыльләнергә мөмкин булачак. Биредә тренажер залы, киенү-чишенү бүлмәләре, душ та ясалган. Бу спорт объектына 101 миллион сум акча тотканнар.