Чирмешән больницасының бала тудыру бүлеге ябылды

1 декабрьдән Чирмешән район үзәк больницасының бала тудыру бүлеге ябылды. Хәзер монда йөкле хатын-кызларны гына дәвалыйлар, дип хәбәр итә район газетасы сайты.

Хәзер бала табу өчен башка шәһәрләргә барырга кирәк була.
"Кичектергесез очракларда баланы үзебездә кабул итәбез", - ди бүлек мөдире Ләлә Кашапова. Әле 1 декабрьдә генә бер бала туган.
Ел башыннан тудыру бүлегендә 125 бала дөньяга аваз салган.