Чаллылылар канализация чокырларыннан зур тараканнар чыгуына зарлана

Чаллының ЗЯБ бистәсендәге 17 нче мәхәлләдә зур тараканнар чыгуы турында хәбәр итә шунда яшәүчеләр.

Артур К. "Халык контроле" системасына болай дип язган: "ЗЯБ бистәсенең 17/06 йорты һәм 63 нче балалар бакчасы арасындагы канализация чокырларыннан һава суларга бик зур тараканнар чыга". Автор фото да җибәргән һәм аларны агулауларын сораган.
Ә менә Эльвира Г. Яңа шәһәрнең 4 нче мәхәлләсендә подваллардан борчалар сикереп чыгып, фатирларга керүенә һәм кешеләрне тешләүләренә зарлана.
Россия кулланучылар күзәтчелеге чаллылыларның мөрәҗәгатьләрен кабул итеп алды, дип хәбәр итә https://vestikamaza.ru/