Чаллыда зоопарк ачылачак

Чаллының үз зоопаркы булачак.

Шәһәр казнасыннан аның өчен 78 мең сум акча бүлеп бирелә. Анда 200 хайван һәм кошлар булыр дип планлаштырыла.
Зоопаркны “Тулпар” ат спорты мәктәбе корылмаларына урнаштырырга ниятлиләр. Ул шәһәр читендә урнашкан. Биредә шактый гына үзгәртеп корулар - яңа биналар, корылмалар төзү таләп ителә. Хәзергә Чаллыда 20 төрле хайванны берләштергән кече зоопарк бар. Элеккеге шәһәр башлагы Васил Шәйхразиевка бүләк иткән арыслан да биредә яши, әле яңа гына страус китергәннәр. Атлар, ишәкләр, дөяләр, понилар да бар. Аларны карау белән волонтерлар шөгыльләнә.