Чаллыда юлларны "салкын асфальт" ысулы белән төзекләндерәләр

Бу атнада Чаллыда "салкын асфальт" ысулы белән Камал бульвары, Ш.Усманов урамы һәм Мәскәү проспектындагы тирән чокырлы, аеруча начар хәлгә килгән юлларны төзекләндерәчәкләр.

Шәһәр мэриясеннән хәбәр итүләренчә, ел башыннан әлеге технология белән Чаллыда 617 кубометр асфальт катламы төзекләндерелгән, 133 тонна "салкын асфальт" салынган. "Салкын асфальт" ысулы зур әзерлек эшләре яки җылытуны да таләп итми, ә асфальт үзе бик тиз куера һәм ката, ди.