Чаллыда «Татар Егете — 2022» төбәкара бәйгесенең финалы узды

Бәйгедә финалга чыккан 11 егет көч сынашты.
Ярыш чып-чын егетләрчә, гадел булды, көрәш энергетикасы бик көчле иде. Шулай булмыйча, Татарстанның төрле районнарыннан иң-иң уңган, дәртле, җыр-моң сөюче, туган илен, телен хөрмәт итүче, көчле егетләр җыелган иде бит.
Алар өчен менә шушы биремнәр әзерләнгән иде:
1. Интеллектуаль ярыш.
2. Ирекле формада үзпрезентация.
3. Кадак кагу ярышы.
5. "Ватаным өчен мин нәрсә эшләрмен?" дигән темага бер минутлык экспромт чыгыш.
Җиңүчеләр түбәндәгечә билгеләде:
Инсаф Мухаметгалиев "Иң шаян егет"
Салават Кадыров "Тел остасы"
Камиль Сахабиев "Иң көчле егет"
Ильмир Хасанов "Иң милли җанлы егет", "Тамашачы мәхәббәтен яулаган егет"
Раиль Харисов "Иң тапкыр егет"
Раиль Тимиров "Иң зыялы егет"
Раушан Нигматуллин "Иң оста биюче"
Айнур Шаймиев "Иң зирәк егет"
Даниф Муллахметов "Иң оста җырчы".
"Татар егете - 2022" исеменә Инсаф Хәлиуллин лаек булды.
 

Чыганагы: http://chelny-rt.ru/news/achyk-ishek/challyda-tatar-egete-2022-bygesene-finaly-uzdy