Чаллыда тагын өч игезәк туды, хәзер бу гаиләдә сигез бала!

Чаллының Кама балалар медицина үзәгенең бала тудыру бүлегендә 28 яшьлек Эльза Фәйзерахманова өч игезәк малай тапты, дип яза «Вести КАМАЗа» басмасы.
33 нче атналарында кесарево ярдәмендә 1650, 1800, 2060 грамм авырлыктагы өч малай туды. Сабыйлар вакытыннан алда дөньяга килү сәбәпле, әлегә табиблар күзәтүе астында яңа туган балалар өчен реанимация бүлегендә яталар. Әниләре һәм "Челны-Бройлер"да эшләүче әтиләре Вилнур исемнәр дә уйлап куйган инде: Ибраһим, Сөләйман һәм Мөхәммәт.
Билгеле булганча, гаиләдә инде биш бала бар. Аларның ике яшь ярымлык игезәк кыз һәм малайлары үсә. Тагын 7 һәм 10 яшьлек ике малай, 5 яшьлек кызлары бар.

Фото: https://vestikamaza.ru