Чаллыда көзге опрессовкалау срогы үзгәрде

Шәһәрнең иске өлешендә көзге опрессовкалау үткәрүнең срогы үзгәрде, дип хәбәр итә мэриянең матбугат хезмәте.ЗЯБ, Кама аръягында, Сидоровка һәм ГЭС поселокларында 10-13 сентябрь көннәрендә кайнар су бирү туктатылачак. Яңа шәһәрдә опрессовкалау срогы элеккечә кала, биредә эшләр 4нән 7 сентябрь көннәренә билгеләнгән.
Торбаүткәргечләрне сынаулар җәйге чорда башкарылган ремонт эшләренең сыйфатын тикшерү өчен кирәк. Опрессовкалауның йомгаклау этабы кулланучыларга җылылык биргәнче, калган кимчелекләрне ачыклау һәм бетерү өчен үткәрелә.
 
Фото: Владимир ВЕЛЕНГУРИН