Чаллыда Әфганстаннан совет гаскәрләрен чыгаруга 27 ел тулуга багышлап митинг узды

Чаллыда "Ватан–Ана"мемориалы янында Әфганстаннан совет гаскәрләрен чыгаруга 27 ел тулуга багышлап митинг булды.

Интернациональ сугышчылар алдында шәһәр хакиме Наил Мәһдиев чыгыш ясады, ул үзенең хәрби бурычын үтәп яуга кергән ир-егетләрне геройларга тиңләде, сугыш кырында ятып калган ватандашларыбыз рухы алдында баш иде. Мәңгелек ут янында мәрмәр ташка Әфганда һәм Чечняда һәлак булган 71 егетнең фамилясе уеп язылган.