Чаллыда Чулман елгасы ярында башсыз ир-ат гәүдәсенә тап булганнар

Түбән Кама ГЭСы янында табылган гәүдә кышкы киемдә булган, дип яза  «Вести КАМАЗа» басмасы.
Фото: vestikamaza.ru
7 май көнне 16:20 сәгатьтә шәһәрдәшләрнең берсе Түбән Кама ГЭСы тирәсендә куркыныч табылдыкка тап булган һәм бу турыда полициягә хәбәр иткән.  Һәлак булган ир-ат кышкы киемдә булган. Аның яшен ачыклый алмаганнар, чөнки гәүдә инде тарала башлаган. Шуның өстенә, ирнең башы да юк. Фаразлар буенча, аның башын чабып, гәүдәсен суга аткан булырга мөмкиннәр.