Чаллыда актанышлылар очраша

11 март көнне 18.00 сәгатьтә Яр Чаллының «Энергетик» мәдәният сараенда Актаныш якташлар җәмгыяте «Буыннардан күчә килә туган як даны» исемле очрашу кичәсе үткәрә.
Анда талантларга бай төбәктә туган төрле буын, төрле чорның күренекле шәхесләре белән танышу, Актаныш җире биргән сәнгать әһелләренең чыгышы, Актанышта туып, Чаллыда яшәүче матур яшь гаиләләрне тәкъдим итү була. Чарага Актаныш районыннан һәм Казаннан кунаклар киләчәк. Кичә алдыннан мәдәният сарае каршында Актаныш хезмәтчәннәре җитештергән ризыклардан күргәзмә-ярминкә дә эшләячәк.