Чаллы татар драма театрында балаларны Кыш бабай һәм Кар кызы катнашындагы дискотека көтә

Чаллы татар драма театры кечкенә тамашачылар өчен бик тә кызыклы бүләк әзерләгән.

24 декабрьдән башлап 2017 елның 8 гыйнварына кадәр көн саен Илгиз Зәйниев пьесасы буенча куелган «Урман club» әкияте уйналачак. Башлану вакыты — 10, 12, 15 һәм 17 сәгатьләрдә, дип хәбәр итә театрның матбугат хезмәте.

Бу мавыктыргыч, кызыклы, күңелле, искиткеч Яңа ел әкияте. Аны карарга килгән кечкенә тамашачыларны урман җәнлекләренең гаҗәп мавыктыргыч маҗаралары көтә. Алар урман аланына җыелып гаять зур музыкаль фестиваль уздыралар. Спектакль тәмамлангач, балаларны Кыш бабай һәм Кар кызы катнашындагы дискотека көтә.