Чаллы пляжларында гадәти булмаган элмә такталар барлыкка килә

Әлеге элмә такталарда бу урында ничә кеше батып һәлак булуы турында мәгълүмат булачак.
ТР Гадәттән тыш хәлләр министрлыгы Министрлар кабинетына һәлак булу куркынычы югары булган сигез пляжны төзекләндерү өчен акча бүлеп бирү турында тәкъдимне әзерләде. Бу пляжлар Чаллы, Яшел Үзән һәм Бөгелмә шәһәрләрендә урнашкан. Бу эш кысаларында өч ел эчендә пляжларда 48 массакүләм ял итү урыннарында җиһазларны яңартырга ниятлиләр. Бу хакта Гадәттән тыш хәлләр министрлыгы матбугат хезмәте хәбәр итә.
Шәһәр һәм район җитәкчелегенә мәгълүмати аншлаглар урнаштыру буенча тәкъдимнәр җибәрелгән инде.
Бу гади генә элмә такта түгел, анда әлеге урында ни өчен су коенырга ярамавы, кайчан һәм ничә кеше батып үлүе турында мәгълүмат бирелә.