Чаллы кызы хатын-кызлар һәм ир-атлар арасында шахмат буенча чемпион булды

16  яшьлек Зәринә Шәфигуллина 53 катнашучы арасында җиңүче булды.
 

Чаллыда узган шахмат буенча чемпионатта 16 яшьлек Зәринә Шәфигуллина хатын-кызлар арасында да, ир-атлар арасында да чемпион исемен яулады. "Хатын-кызлар арасындагы ярышларда мин күп тапкырлар чемпион булдым. Ә ир-атлар арасында - беренче тапкыр! Абсолют чемпион исемен алу турындагы хыялым, ниһаять, тормышка ашты!", - ди яшь спортчы кыз.
Зәринәнең әтисе һәм тренеры Рушад Шәфигуллин кызы белән горурлануы турында белдерде.
 
 

Чыганак: www.vestikamaza.ru