Чаллы Картиналар галереясында "Моӊлы Тукай" музыкаль-әдәби кичәсе булды

Габдулла Тукай шигърияте күпләрне иҗатка дәртләндерә. Шагыйрьнең шигъри юллары бүген дә иҗатчылар өчен яңа мөмкинлекләр ача. "Моӊлы Тукай" әдәби кичәсе моны тагын бер тапкыр раслады.
Чарада ТР атказанган мәдәният хезмәткәре Әнәс Фәйрушин җитәкчелегендәге "Яран гөл" ансамбле, ТР атказанган мәдәният хезмәткәре, язучы Факил Сафин, рәссамнар берлеге әгъзасы Хәния Гәрәева нәни нәфис сүз остасы 94нче балалар бакчасында тәрбияләнүче Сылу Камалова чыгыш ясады. Алар Габдулла Тукайның "Туган тел", "Пар ат", "Тәфтиләү", "Зиләйлүк", "Су анасы", "Кырлай" һәм башка әсәрләрен башкардылар.