Чаллы каласындагы кайбер объектлар танымаслык булып үзгәрәчәк

Шәһәр Советының чираттагы сессиясендә шәһәр мэры Наил Мәһдиев быел төзекләндерү эшләре дәвам итәчәк дип белдерде. Агымдагы елда 7 җир асты кичүе төзекләндереләчәк, дип хәбәр итә “Шәһри Чаллы”.
Ә 2019 елга башланган барлык объектлар танымаслык булып үзгәрәчәк. Ул шулай ук Сидоровка бистәсендә, Автостанция районында җәяүлеләр кичүен проектлый башларга кирәклеген дә әйтте. “Бу шәһәрнең иң куркыныч урыны”, – диде мэр.