Бүгеннән мех туннар яңа закон буенча гына сатыла

Августта кабул ителгән мех туннарга махсус чип кую карары бүгеннән эшли башлый.

Чип куелмаган мех эшләнмәләрне сату закон нигезендә тыела. Махсус RFID-метка куелмаган очракта, сатучыларга Роспотребнадзор каршында җавап тотарга туры киләчәк. Туннарны шулай итеп маркировкалау өчен эшмәкәрләргә 5 декабрьгә чаклы вакыт бирелде. Әлеге законны гамәлгә кую контрафакт товарларның законсыз әйләнешен туктатырга ярдәм итәчәк.
Шул ук вакытта, белгечләр фикеренчә, бу закон мех туннарга бәяләр артуына китерергә мөмкин.