Бүген Ләбиб Леронга Гамил Афзал премиясе тапшырылды

 
Милләтебезнең йөзек кашы, олуг хөрмәткә лаек остаз, шагыйрь һәм юмор остасы Гамил Афзалның исемен мәңгеләштерү йөзеннән 2011 елда әдип исемендәге премия булдырылды. Аны ТРсы язучылар берлеге һәм Актаныш муниципаль районы гамәлгә куйды.

Г. Афзал исемендәге бүләкне ел саен юмор һәм сатира өлкәсендә иң үткен, яхшы дип табылган матур әдәбият әсәре авторына тапшыру күздә тотыла.
Быел әлеге премиягә Татар язучысы, шагыйрь, журналист, Татарстанның атказанган сәнгать эшлеклесе, Татарстан Язучылар берлегенең Шәйхи Маннур исемендәге һәм Абдулла Алиш исемендәге премияләре, Муса Җәлил премиясе лауреаты Ләбиб Лерон ия булды.
Әлеге бүләкне аңа район башлыгы Фаил Камаев һәм Татарстан Язучылар берлеге рәисе Данил Салихов тапшырды. Бу хакта Актаныш мәгълүмат-мөхәррият үзәге хәбәр итә.