Бүген Чаллы татар драма театры яңа иҗат сезонын башлап җибәрә

Быел Чаллы татар драма театры үзенең 27 иҗат сезонын бик үзенчәлекле башлап җибәрергә ниятли.

7 октябрь кичендә театрга килгән тамашачыларны шәһәребездә яшәп иҗат итүче язучы Айгөл Әхмәтгалиеваның «Ул бит кичә иде» лирик комедиясенең премьерасы һәм тагын бик күп сюрпризлар көтә.
Алар театр алдындагы мәйданнан ук башланачак. Чаллы тарихында беренче мәртәбә тамашачылар актерларның яшел келәмгә басып урамнан театрга кергәннәрен күрә алачак, аларны алкышлар белән тәбрикли алачак. Фойега узгач, чаллыларны кайнар чәй көтә, дип хәбәр итә Чаллы мэриясе матбугат хезмәте.