Буада республикада иң көчле баскетбол командасы ачыкланды

Узган атнада Буаның “Яшьлек” спорт мәктәбендә 2004-2005 елгы кызлар арасында баскетбол буенча Татарстан беренчелегенә финал ярышлары башланган иде.
Фото: buinsk-tat.ru
Әлеге бәйгедә республика шәһәрләре командалары арасында Казан һәм Түбән Кама баскетболчылары беренче һәм икенче урыннарны бүлештеләр, авыллар командаларыннан арчалылар – беренче, алексеевскилылар – икенче, Буа командасы өченче урынны алды.
Җиңүчеләргә ТР Яшьләр эшләре һәм спорт һәм туризм министрлыгының Мактау грамоталары, Кубоклар һәм медальләр тапшырылды. Бу хакта "Хезмәт" газетасы яза.