Балык Бистәсендә тонналап җиләк саталар

Балык Бистәсенең “Масловский” хуҗалыгы быел 12 тонна виктория җиләге саткан. Хәзер биредә кура җиләге дә өлгергән.

Җиләкне Казан шәһәреннән, республиканың башка төбәкләреннән дә күпләр сорап мөрәҗәгать итәләр икән. Бигрәк тә Әлмәттән килеп алып китүчеләр күбәйгән. Әле кура җиләге җыю сезоны башланды гына, кыска гына вакыт эчендә аны инде бер тоннадан артык җыеп, сатарга өлгергәннәр, дип хәбәр итә “Авыл офыклары” басмасы.