Балтач районында яңа газета нәшер ителә

Балтач районы Түнтәр урта мәктәбе базасында “Бәхетле балачак” дип аталган газета чыга башлады, дип хәбәр итә районның “Хезмәт” басмасы.

Хәзерге вакытта “Бәхетле балачак” газетасының 4 нче санын әзерлиләр икән. Ул укытучыларның август киңәшмәсенә чыгачак.
Газетаны нәшер итүче яшь журналистлар - Түнтәр мәктәбе укучылары. Алар төрле чараларда катнаша, җитәкчеләр, эшчеләр, төрле кешеләр белән аралаша.