Балалар турында мәгълүматларның да бердәм илкүләм системасын булдырганнар

Анда сабыйның кайчан һәм кайда тууыннан алып, мәктәптә нинди билгеләргә укуына кадәр тупланып барачак.

Ә төгәлрәге: ФИО, җенесе, туган көне, ае, елы һәм урыны, туу турындагы акт язмасының номеры, паспортның сериясе һәм номеры (аны алганнан соң), теркәлү адресы, СНИЛС, ата-анасы турында мәгълүмат, уку урыны һәм вакыты, өлгереш, казанышлары (олимпиада һәм конкурслардагы уңышларын кертеп), үзләштергән уку программасы, белеме турындагы документ һәм сәламәтлеге турында мәгълүматлар.
Моннан кала тагын бу системада уку йорты һәм аның укытучылары, статистик һәм норматив белешмә турында да белеп булачак.