Бала өчен җавап бирмәгез!

Балаларны ничек тәрбияләргә соң?..

Һәркемнең баласын уңышлы итеп күрәсе килә. Билгеле, моның өчен бала үзаллы эшли белергә тиеш, чөнки әти-әнисе сүзен генә үтәүче бала үсеп җиткәч тә шул гадәтеннән арына алмый. Нинди үзенчәлекләргә игътибар итәргә соң?
1. Бала, мәктәп тәмамлагач, киләчәктә нинди һөнәр буенча укыячагын үзе билгеләргә тиеш. Сезнең хыялларыгыз аныкы белән туры килмәскә дә мөмкин.
2. Бүлмәсен бала үзе җыештырырга тиеш. Бу - аның территориясе. Андагы торышның тәртиптә булырга тиешлеген үзе хәл итсен.
3. Бала үзенә дуслар сайлый белсен. Аның дуслары сезгә ошамаска мөмкин, ләкин ул начар кешеләрне үз тәҗрибәсендә генә ачыклый ала.
4. Сорауларга үзе җавап бирсен. Кечкенә баланы табибка алып баргач, аның кайсы җире авыртуы турында сораячаклар. Үзе җавап бирсен. Бу аны уйларга мәҗбүр итәчәк, кешеләр белән аралашырга өйрәтәчәк.