Автомобиль йөртү өчен таныклык алу катлауланды

1 сентябрьдән машина йөртергә теләүчеләргә таләпләр артты: имтихан шартларына үзгәрешләр керде.
Фото: news-v.ru
Сынауның теория өлешендә элеккеге кебек 20 сорауга ике тапкыр ялгыш җавап бирү рөхсәт ителә, әмма ялгышкан очракта өстәмә 5 сорауга җавап бирергә туры киләчәк.
Практик өлештә махсус мәйданчыкта тапшыру мөмкин булган тестлар исемлеге 10нан 17гә җитә. Бәя бирү системасы да үзгәрә. Имтихан алучының таләпләрен үтәмәү тупас кагыйдә бозу буларак бәяләнә һәм моның өчен 5 штраф балл языла. Ә саклык каешын эләктермәгәнгә 3 штраф балл язачаклар.