Ашыгыч ярдәм машинасында авырлы хатын авариягә очраган

Фаҗига Казань–Оренбург юлында була.

41 яшьлек ашыгыч ярдәм машинасы йөртүче ир Фиат автомобилендә (Баулы үзәк хастаханәсе транспорты) барган вакытта тизлеген арттырган булырга мөмкин. Өстәвенә, машинаның тәгәрмәчләре дә кышкысына алыштырылмаган булган. Шунлыктан автомобиль бозлавык юлдан кюветка оча. Авария нәтиҗәсендә 29 яшьлек авырлы хатынга зыян килә. Бәхеткә, ул исән кала. Хәзерге вакытта ул хастаханәдә.