Артистлар көне-2016

Татар эстрадасы артистлары 2007 елда "Артистлар көне"н оештырган иде. Шул көннән башлап һәр елны җәен табигать кочагында җыелу күңелле бер традициягә әверелде алар өчен.

Быел "Артистлар көне"н оештыручы -  Зөлфәт Зиннуров. 30га якын артист Казан янындагы бер бистәдә йорт арендалап, шунда табын корганнар. Зөлфәт  артистларга бик күп кызык мизгелләр әзерләдем, дип сөйли.
Артистлар бәйрәменә ИлГәрәй, "ЗөЛәйЛә", Филүс Каһиров, Алсу һәм Азат Фазлыевлар, Айгөл Бариева, Альбина Апанаева, Гөлнара Габидуллина, Раяз Фасыйхов, Илнар Сәйфиев, Сөмбел Билалова, Алия Исрафилова, Иркә Гайнемөхәммәтова, Дилә Нигъмәтуллина һәм башкалар килгән. Бу чарага һәр теләгән җырчы килә ала, чикләүләр юк икән.