Аптекада наркотик саткан

Башкортстанның Стәрлетамак шәһәрендә полиция хезмәткәрләре наркотик сатучы фармацевтны кулга алган. Бу хакта "Кызыл таң" газетасы яза.
40 яшьлек хатынга “Көчле тәэсирле һәм агулы препаратлар сату” мәддәсе буенча җинаять эше ачылган.
Тикшерү вакытында хокук сакчылары наркотик һәм психотроп матдәләре күп булган препаратлар сату буенча законны бозу очракларын да теркәгән. Моның өчен даруханә җитәкчесе административ җаваплылыкка тарттырылачак.