Алмалары күп булганлыктан, алмагач сынмасын өчен нәрсә эшләргә кирәк?

Август — алмалар өлгергән вакыт. Быел алма уңышы бик күп. Артык мул җимешләрле алма яки слива агачыны ботакларын җиргә ия. Менә дигән алма бирә торган ботаклары сынарга да мөмкин.
Бу очракта алмагачка «ярдәм» күрсәтергә кирәк. Авыр уңышны күтәреп торсын өчен агачка терәүне төрле вариантларда ясап була икән. Бу хакта «Яндекс. Дзен.»га сылтама белән «Интертат» яза.

Фото: pixabay.com

Иң гади һәм тиз ысул — «рогатка» сыман терәү кую. Моның өчен очы икегә аерылган казык кирәк булачак. Аны алмагачның салынып төшкән ботакларына терәп куясыз һәм ныгытма әзер. Ләкин мондый казыкның үзенең дә сыну куркынычы бар. Гади тактаның уртасына уем ясап, аны бастырып кую ышанычлырак.

Фото: pixabay.com

2. Кайбер оста кешеләр мондый «рогатка”ларны полипропилен торбалардан үзләре ясыйлар. Андый ныгытма агачка җәрәхәт ясамый, озакка җитә. Торбаларның диаметры киң булганны алырга кирәк. Әлеге ныгытманы алдагы елда да куллана алачаксыз.

3. Алмагачның башларын игән ботакларын бау белән кәүсәсенә бәйләп куярга була. Калын, капрон бау алырга кирәк. Бу вариант кәүсәләре нык булган, олы яшьтәге агачлар өчен әйбәт. Ләкин бау агачның кәүсәсенә җәрәхәт ясарга мөмкин. Уңышны җыеп алганнан соң кәүсәсенең кыршылган урыннарын антисептик белән эшкәртергә онытмагыз.
Кәүсә урынына тимер торба кулланырга була. Аны алмагачның кәүсәсенә якын урында казып утыртыгыз һәм башын игән ботакларны шул торбага ныгытып бәйләгез.

Фото: Яндекс. Дзен.

4. Терәү буларак баскыч кулланыла ала. Ул яшь, артык биек булмаган һәм ботаклары аз алмагачлар өчен кулай вариант.