Алексей Махлай: Төп закондагы төзәтмә кешеләргә яхшы тормыш тәэмин итүгә юнәлдерелгән

Социаль гарантияләргә хокукны Россия Конституциясендә беркетү турындагы төзәтмә россиялеләргә бәхетле тормыш тәэмин итүгә юнәлдерелгән. «Иҗтимагый-сәяси тикшеренүләр үзәге» Коммерцияле булмаган автоном оешма президенты Алексей Махлай «Татар-информ» агентлыгына шундый фикерен белдерде.

«Төзәтмәләрне уңай бәялим, чөнки алар илнең Төп законында билгеләнәчәк. Һәм инде хакимиятләр тиешле карарны федераль һәм төбәкләр дәрәҗәсендә кабул итмәячәк. Боларның барысы да законлаштырылачак», - дип искәртте белгеч.

«Мин Конституциягә кертелгән төзәтмәләр россиялеләргә бәхетле тормыш тәэмин итүгә юнәлдерелгән дип саныйм. Бигрәк тә лаеклы ялдагы, пенсия алды яшендәгеләргә. Һәм, әлбәттә инде, кайчан да булса пенсиягә чыгачак кешеләргә. Боларның барысы да уңай нәтиҗәләргә китерәчәк», - дип искәртте Махлай.

Ул билгеләп үткәнчә, дәүләт структураларындагы барлык эш бирүчеләр дә табыш алуга гына түгел, ә социаль гарантияләргә дә зуррак игътибар бирәчәк, шулай ук хезмәт кешесе турында уйлаячак.

Конституциягә төзәтмәләрдә пенсияне мәҗбүри, даими рәвештә индексацияләү, социаль иминият, гражданнарга адреслы социаль ярдәм күрсәтү һәм социаль пособиеләрне индексацияләү кебек социаль гарантияләргә хокук билгеләнәчәк.