Актүбә бистәсе Россия Федерациясе Хөкүмәтенең Дипломына ия булды

Ел да шушы чорда узган ел нәтиҗәләре буенча Россиянең иң төзек торак пунктлары бәйгесенә йомгак ясала. Илкүләм бу бәйгедә Актүбә бистәсе актив катнашып, инде менә 3 ел рәттән җиңүләр яулап килә, дип хәбәр итә Азнакай районы газетасы.
 

Әйтик, 2013 елда беренче, 2014 ел күрсәткечләре буенча икенче урынга лаек булды. 2015 ел бәйгесенең дүртенче категория авыл биләмәләре номинациясендә Актүбә шәһәр тибындагы бистә Россия Федерациясе Хөкүмәтенең икенче дәрәҗә Дипломына ия булды, диелә язмада.