30 августта Чаллыда Республика көне белән беррәттән Шәһәр көнен дә бәйрәм итәчәкләр

Быел 30 август,  Татарстан Республикасы көнендә, Чаллыда Шәһәр көнен дә бәйрәм итәчәкләр.
Фото: nesiditsa.ru
Бәйрәм программасы белән эшлекле дүшәмбе киңәшмәсендә Башкарма комитет җитәкчесе урынбасары Рамил Хәлимов таныштырды.
Традицион чәчәкләр фестивале 30 августта 10:00 Азатлык мәйданында башлана.
30 августта 12:00 сәгатьтә шәһәр ипподромында ат ярышлары башлана. Ярышларга Татарстан Республикасы муниципаль берәмлекләре башлыклары чакырылган. Гаризалар"Тулпар" ат спорты мәктәбендә 27 августка кадәр кабул ителә.
16:00 сәгатьтә ГЭС бистәсенең мәдәният һәм ял паркында, 17:00 сәгатьтә Җиңү паркында концерт программасы башлана. Яр буе паркы мәйданында 17:00 сәгатьтә зур тамаша була. Бәйрәм концертында Чаллы шәһәре һәм Татарстан Республикасы солистлары һәм иҗат коллективлары катнаша.
Бәйрәм 21:00 сәгатьтә салют белән тәмамлана.
 
Бу хакта Чаллы мэриясе мәгълүмат хезмәте хәбәр итә.