2017 елда кайбер эшләүче пенсионерлар пенсиясез калырга мөмкин

Хөкүмәттә пенсионерларның билгеле бер категорияләренә 2017 елда пенсия түләүне туктату турында сүз бара.

"Ведомости" сайты РФ властьларының хәзерге вакытта Финанс министрлыгының кайбер пенсионерларга пенсия түләүне туктату турындагы тәкъдимен тикшерүе турында яза. Бу – еллык керемнәре 500 меңнән яки 1 миллионнан артып киткән пенсионерларга кагылырга мөмкин икән. Алай гына да түгел, ике ярым яшәү минимумы кадәр (22 000 сум) хезмәт хакы ала торган пенсионерларга да 4559 сумны – фиксацияләнгән түләүне бирми башларга мөмкиннәр ди.