110 ел элек иҗтимагый һәм әдәби «Шура» журналы чыга башлый

 
«Шура» — Оренбургта 1908 елның 10 гыйнварыннан 1918 елның гыйнварына кадәр чыккан әдәби, гыйльми, тарихи татар журналы.
Фото: http://tatar-congress.org
«Вакыт» газетасы типографиясендә басылган, тышлыгы белән 36 бит тәшкил иткән. Ун елга якын вакыт эчендә әлеге матбугат басмасының барлыгы 240 саны чыккан. Наширләре — Мөхәммәдшакир һәм Мөхәммәдзакир Рәмиевләр. Баш мөхәррире — Ризаэддин Фәхреддин.
Яңартылган “Шура”ның тәүге саны 2013 елда дөнья күрә. Татарстан мөселманнары Диния нәзарәте каршындагы “Хузур” нәшрияты нәшер иткән дини альманахның баш мөхәррире – Татарстан мөфтие Камил хәзрәт Сәмигуллин.