1 декабрьдән машина йөртүчеләргә нинди яңа штраф сала башлыйлар?

Быел 1 декабрьдән юл йөрү кагыйдәләренә яңа үзгәрешләр керә. Инспекторлар кыш көне җәйге резинада йөргән машиналарга штраф сала башлый. Әлеге кагыйдә февраль азагына кадәр гамәлдә була. Штраф кимендә 500 сум тәшкил итә. Бу турыда Autonews.ru хәбәр итте.
Фараларның чистарткычларын сүндереп кую, шиплы шиналарны бер генә күчәргә урнаштыру да кагыйдә бозу санала, аның өчен дә штраф була.
3 декабрьдән машина йөртү таныклыгын яңа рәвештә бирә башлыйлар. Хәзерге вакытта аның алгы битендә «водительское удостоверение» дип кенә язылган. Яңа таныклыкта француз һәм инглиз телләрендә — Permis de Conduire һәм Driving Licence язылачак. Язулар шәмәхә төс белән биреләчәк. Иске таныклыклар да үз көчендә кала, диелә хәбәрдә.
 

Фото: Рамил Гали 

https://intertat.tatar/news/kadak/01-12-2020/1-dekabrd-n-mashina-y-rt-chel-rg-nindi-ya-a-shtraf-sala-bashlyylar-5789310