Татар теле укытучыларын “Мөгаллим” курсына чакыралар

Заманча татар теле укытучылары өчен “Мөгаллим” дигән курс әзерләнде. Оештыручылар үзен камилләштерергә теләгән, креатив татар теле укытучыларын белемнәрен арттырырга чыкыралар. Бу турыда Бөтендөнья татар конгрессы матбугат хезмәте хәбәр итте.

Курста проектлы укыту, тел өйрәтүдә яңа методикалар, чит тел өйрәнү тәҗрибәләре белән танышу, практик идеяләр тупланмасы кебек темалар каралачак.

Бүгенге көндә балаларны дәрескә ничек җәлеп итәргә? Укытучының хокукларын кем яклар? Бер ай дәвамында барачак әлеге курс шушы һәм башка сорауларга җавап табарга да ярдәм итәр, диелә хәбәрдә.
Әлеге курсларга узар өчен, сылтама аша узып, теркәлергә кирәк.

Фото: Салават Камалетдинов

https://tatar-inform.tatar/news/2019/10/15/195343/