mezhitov-200

Фидаил Васил улы МӘҖИТОВ
Филиал җитәкчесе-баш мөхәррир

1984 елда Татарстан Республикасы Актаныш районы Кыркаентүбә авылында туа. Туган авылында башлангыч, Иске Кормаш авылында урта мәктәптә укый. 2001 елда Чаллы дәүләт педагогия институтының филология факультетына укырга керә һәм 2006 елда кызыл дипломга тәмамлый. Аспирантурада “Россия Федерациясе халыклары әдәбияты” белгечлеге буенча белем ала.
Институтны тәмамлагач, Фидаил “Мәйдан” әдәби-нәфис, иҗтимагый журналына бүлек редакторы итеп эшкә чакырыла. Шул ук вакытта “Күңел” радиосында кичке тапшырулар алып бара. Бераздан журналның җаваплы секретаре – баш редактор урынбасары итеп билгеләнә. 2014 елдан – “Мәйдан” журналының баш редакторы.
Ф.Мәҗитов – Татарстан, Россия Журналистлар берлекләре, Халыкара Журналистлар Ассоциациясе (IFJ), Татарстан Язучылар берлеге әгъзасы. “Сагышлар да алтын була икән…” (2006), “Йолдызлы чатыр” (2015) исемле шигырьләр һәм поэмалар җыентыклары, күпсанлы тарихи-публицистик хезмәтләр авторы.

 

shejxetdinov-200

Әхмәт Сәгыйрь улы ШӘЙХЕТДИНОВ

Басма директоры-баш мөхәррир урынбасары

1955 елда Чирмешән районы Лашман авылында туган.

1978 елда Казан дәүләт университетының механика-математика факультетын тәмамлый. 25 ел КАМАЗда эшли: инженер-программист, ЭВМ операторлары сменасы җитәкчесе, КАМАЗ типографиясе җитәкчесе урынбасары – офсет производствосы җитәкчесе, «Камаз» газета-китап нәшрияты»нда баш дизайнер. 2005 елдан «Мәйдан» журналында баш редактор урынбасары – басма директоры.

 

rezeda-apa

Резидә Вахит кызы ГАТИНА

Баш хисапчы

1963 елның 5 июнендә Саба районының Түбән Шытсу авылында туа. Лаеш авыл хуҗалыгы колледжында укып, бухгалтер һөнәрен үзләштерә.

Менделеевск районында «Тойма» совхозында, Тихоново башкарма комитетында хисапчы вазифасын башкара. 2010 елдан «Саба таңнары» газетасы редакциясендә баш хисапчы булып эшли.

Бүгенгесе көндә «Мәйдан» журналында баш хисапчы.

 

zz-h0wrtimk

Рушания Нургали кызы МИХАЙЛОВА

Җаваплы секретарь-баш мөхәррир урынбасары

1953 елның 1 августында Татарстанның Алексеевск районы Югары Татар Майнасы авылында туа. Элекке Биләр, хәзерге Нурлат районының Кульбай Мораса авылында урта белем ала, Казан дәүләт университетының тарих-филология факультетында укый. Мәктәптә тарих, гарәп теле, татар теле фәннәрен укыта, «Таң йолдызы», «Туганайлар» газеталарында җаваплы секретарь булып эшли.

Бүгенге көндә «Мәйдан» журналының җаваплы секретаре.

gafi-200

Гафиулла Сәгъди улы ГАЗИЗОВ

Публицистика бүлеге

Балтач районы Түбән Субаш авылында туган. Чепья урта мәктәбен тәмамлаганнан соң, 1975 елда колхозда тракторист булып хезмәт юлын башлап җибәрә. 1975-1977 елларда Армия сафларында хезмәт итеп кайтканнан соң, КамАЗда слесарь, мастер булып эшли. 1982 елда журналистика факультетына читтән торып укырга керә. 1989 елда КамАЗ радиосының татар телендәге бүлегенә мөхәррир итеп билгеләнә. Аннан соң «Күңел», «Азатлык» радиоларында, «Шәһри Чаллы», «Туганайлар» газеталарында хезмәт куя.

2006 елдан «Мәйдан» журналында бүлек мөхәррире булып эшли.

 

golfiya

Гөлфия Мөҗәһит кызы ШӘЙХРАЗИЕВА

Хатлар һәм массакүләм чаралар бүлеге

1971 елның 2 гыйнварында Сарман районы Яңа Бүләк авылында туа. Урта мәктәпне тәмамлагач, ТРның Культура-агарту училищесында укый. «Якты юл», «Туганайлар» газеталарында журналист булып эшли.

Бүген ул — «Мәйдан» журналында хатлар бүлеге редакторы.

 

 

svetlana

Светлана Валентин кызы ФӘИЗОВА

Корректор

1985 елның 2 февралендә Чаллы шәһәрендә туа. Шәһәрнең 52 нче урта мәктәбендә, Чаллы дәүләт педагогия институтында  белем ала. Соңыннан Чаллы педагогия һәм ТИСБИ институтларында эшли.

Бүгенге көндә «Мәйдан» журналында корректор.

 

lejlya-200

Ләйлә Камил кызы ХАРИСОВА

Компьютерда җыючы, сайт администраторы

1981 елның 6 маенда Мамадыш районының Усали авылында туа. Урта мәктәпне туган авылында тәмамлап, 1997 елда Казан дәүләт педагогика университетының Чаллыдагы филиалына татар филологиясе факультетына укырга керә. Аны кызыл дипломга тәмамлый.

2004 елда «Туганайлар» газетасында версткалаучы булып, хезмәт юлын башлап җибәрә. Компьютер курслары үткәннән соң, үзе өчен яңа, таныш булмаган профессиягә өйрәнеп, аңа «гашыйк булып» 2011 елга хәтле газета чыгаруда күп көч куя.

2013 елдан — «Мәйдан» журналында. Хәзерге вакытта компьютерда җыючы, журнал сайтының администраторы булып эшли.

 

 

zaripov-200

Рәис Гали улы ЗАРИПОВ

Махсус хәбәрче

1955 елның 23 декабрендә хәзерге Пермь краеның Скальный бистәсендә туа. Ел ярымнан әти-әнисе туган төбәккә — Башкортстанның Илеш районына әйләнеп кайталар. Кушбакты авылында сигезьеллык мәктәп тәмамлый, күрше Базытамак авылында урта белем ала. Германиядә ике ел хәрби хезмәттә булып кайткач, Казахстанда, Үзбәкстанда, Төмән өлкәсенең Нефтеюганск һәм Покачи шәһәрләрендә эшли. 1990 елдан — Чаллыда. Читтән торып, шәһәрдәге Дәүләт педагогия институтын тәмамлый. «Таң йолдызы» газетасында хатлар бүлеге мөдире, мөхәррир урынбасары һәм мөхәррир вазифаларын башкара.

1999 елдан — «Ватаным Татарстан» газетасының Чаллы төбәгендәге үз хәбәрчесе. 1996 елдан — Татарстан Республикасы Журналистлар берлеге әгъзасы.