Казанга заманча яңа трамвайлар кайта

"Уралтрансмаш" Казанга җиде трамвай вагоныннан торган заманча яңа трамвайлар партиясенең соңгысын җибәрде, дип яза  Nakanune.ru.
- Әлеге машиналарның эксплуатацияләнә башлавы шәһәрнең транспорт линиясен инфаструктура ягынан яхшырту белән бергә, пассажирларны йөртү вакытында электр энергиясен дә экономияләүгә китерә, - диелә хәбәрдә.
Яңа трамвай паркын эшләтеп җибәрүне футбол буенча Дөнья чемпионатына хәтле тәмамларга планлаштырыла.
Хәзерге вакытта Казанда урал заводының 71-402 модельле трамвайлары эксплуатацияләнә инде.