5 мая 09:23 Болгарда “Казан каймасы” истәлек билгесенә чәчәкләр салдылар

Кичә Татарстан Республикасы Дәүләт Киңәшчесе Минтимер Шәймиев һәм Болгарда күчмә киңәшмәдә катнашучылар – ТР Премьер-министры урынбасары Васыйл Шәйхразиев, ТР Дәүләт Советы Рәисе урынбасары, “Яңарыш” фонды башкаручы директоры Татьяна Ларионова, ТР мәдәният министры Айрат Сибагатуллин, ТР Дәүләт Советы депутаты Фоат Вәлиев, Спас муниципаль районы башлыгы Камил Ногаев, ТРның Туризм буенча дәүләт комитеты рәисе Сергей Иванов – Бөек Ватан сугышында Җиңүгә 71 ел тулу уңаеннан, Болгардагы “Казан каймасы” истәлек билгесенә чәчәкләр салдылар.

5 мая 09:18 Татарстанда яшенле яңгыр көтелә

ТР Гидрометеорология һәм әйләнә-тирә мохитне күзәтү идарәсе мәгълүматлары буенча, 5 майда көндез республика буенча яшенле яңгыр көтелә, шул вакытта төньяк-көнчыгыштан искән җилнең тизлеге 16 м/секундка кадәр җитәчәк.