13 Сен 09:01 Республикакүләм «Татар кызы-2019» бәйгесе җиңүчесе билгеле булды

Республикакүләм «Татар кызы-2019» бәйгесе финалы җиңүчесе исеменә Яр Чаллы кызы Азилә Әюпова лаек булды. 12 сентябрь көнне Габдулла Тукай исемендәге Татар дәүләт филармониясендә аңа җиңүче таҗы һәм илле меңлек сертификат тапшырдылар. Азилә Әюпова «Татар кызы» халыкара бәйгесе финалында катнаша.

12 Сен 15:38 Үзәк Банк кирәкмәгән хезмәтләр сатып алмас өчен берничә киңәш бирде

Банк клиентларына килешү һәм тәкъдим ителә торган продуктның шартлары белән җентекләп танышырга, сорау бирергә кыенсынмаска һәм финанс грамоталылыгы кагыйдәләрен һәрвакыт истә тотарга кирәк. Әгәр кирәкмәгән хезмәтне сатып алгансыз икән инде, банкка шикаять белән мөрәҗәгать итегез. Бу хакта РИА Новости агентлыгы Россия Банкының директорлар советы әгъзасы, кулланучыларның хокукларын яклау һәм финанс хезмәтләренең үтемлелеген тәэмин итү хезмәте җитәкчесе Михаил Мамутага сылтама белән хәбәр итә.

12 Сен 12:24 Шәймиев һәм Принц Кәрим Ага Хан IV Болгарда махсус почта маркасы чыгарды

Болгар ислам академиясендә Принц галиҗәнаблары Кәрим Ага Хан IV архитектура өлкәсендә премиясе тапшырылу уңаеннан махсус почта маркасы чыгарылды. ТР Дәүләт Киңәшчесе Минтимер Шәймиев моны тарихи вакыйга дип атады.

12 Сен 12:05 Чаллы спектакле «Театраль Идел буе» фестиваленең икенче этабына үтте

Жюри әгъзалары Идел буе федераль округының «Театраль Идел буе» төбәк бәйгесе этабында РИФ студиясе тарафыннан тәкъдим ителгән «Жил-был Пес» спектаклен югары бәяләде. Бу хакта «Челнинские известия» газетасы яза.