Әлмәттә - “акыллы” домофоннар

Әлмәтнең барлык күпкатлы йортларында “Куркынычсыз шәһәр” программасы буенча “акыллы” домофоннар урнаштарачаклар. Программа домофоннарга гына түгел, видеокүзәтү системасына да кагыла. Соңгыларын торак йортлар ишегалларында, подъездларында, җәмәгать урыннарында куярга җыеналар. Ә “акыллы” домофонга килгәндә, аларга махсус функция өстәлә. Мәсәлән, ата-аналар өйдә булмаганда, “беркемгә дә ачмаска” дигән функциягә көйләргә мөмкин, дип хәбәр итә Интертат.